Empleadonan a haya hopi informacion durante Benefit Fair & Expo na La Cabana Beach Resort

ORANJESTAD (AAN): La Cabana Beach Resort & Casino recientemente a organiza e segundo edicion di un exitoso ‘Benefit Fair & Expo’.

E evento tabata bon organiza anto a haya un presencia hopi grandi. E segundo edicion aki tabata diseña pa informa empleadonan y encurasha nan pa tuma interes activo den nan beneficionan.

   Cu enfasis riba Payroll Pro HRM obtenibel portal y App, incluyendo un presentacion informativo riba e tema di payslips, con pa lesa nan corectamente, y un introduccion na Medwork Services, e evento a genera hopi interes.

   E resort a invita VCC, Medwork, y Accounting Management pa comparti e escenario, pa asina forma parti di e session di Pregunta y Contesta.  Areanan a worde traha pa empleadonan tin combersacion mas personal cara-cara na unda tur nan preguntanan por a worde contesta.
   E Payroll Pro App y Portal ta permiti tur empleado pa tin acceso facil na nan payslips, dia di vacacion, employee handbook, y hopi mas, tur esaki via nan celular of laptops/tablets. Tambe e accounting management tabata presente pa splica con tur cos ta traha y sigura cu tur empleado ta conecta y compronde e setup.

   Empleadonan tambe a worde splica riba e beneficionan di tin Medwork y enfasis riba salubridad preventivo.
   Un danki grandi ta bay na VCC Aruba, Payroll Pro HRM, Medwork, y specialistanan di accounting Frida Geerman cu Jonathan Bremo, pa haci e Benefits Fair & Expo II un exito grandi!

Segun Tessely Koolman, Director di HR, e feria a provee un oportunidad pa mustra e beneficionan obtenibel na empleadonan di e resort, pa asina nan ta mas consciente riba e servicionan existente y tur otro posibilidadnan.

   Excelente beneficionan di trabao, Koolman ta bisa, ta yuda crea un team dedica di empleadonan, cu turnover rebaha y tambe menos ausiencia.
   Assistant General Manager Jessica Franken, ta agrega cu beneficionan ta un topico importante. E meta inicial di brinda mas informacion, y haciendo empleadonan mas consciente di e gran beneficionan, tabata perfectamente exitoso.

   La Cabana Beach Resort & Casino a caba di conclui nan evento di ‘100 Days of Celebrating U’, un serie anual di evento cu ta pa reconoce tur empleadonan cu un extra TLC, recordandonan riba escogencianan mas saludabel, e beneficionan di tin un estilo di bida mas saludabel, anto importancia di salud mental.