Embassy Suites by Hilton a habri oficialmente na Aruba

ORANJESTAD (AAN):  E cadena Hilton a anuncia diahuebs e apertura di Embassy Suites by Hilton Aruba Resort, cual ta un complex  di 330 suites situa entre Eagle Beach y e santuario di pahra di Bubali Plas.

                E apertura ta significa e prome propiedad Embassy Suites by Hilton na Aruba y e di dos hotel Hilton na e isla.

                "Nos ta encanta di continua nos expansion den Caribe cu e apertura di e recien construi Embassy Suites by Hilton Aruba Resort", asina a bisa Jorge Giannattasio, vicepresidente senior y hefe pa Caribe y Latinoamerica. "Cu mas di 25 propiedad den henter Caribe, e hotelnan Hilton ta  prepara pa duna e bonbini na e  viaheronan den algun di e destinonan mas codicia", a bisa.