ORANJESTAD (AAN): E dianan aki, DIARIO ta enfoca riba tur e empleadonan local den mundo di turismo, cu a sobresali durante 2023 y cu recien a ricibi un tan codicia ‘AHATA Excellence Award’ durante un anochi di gala.
Uno di esnan cu a gana premio ta Elvia Zievinger. Elvia ta un consehera di beyeza na JL Penha. El a ricibi e premio di AHATA Excellence como reconocimento pa su habilidad excepcional di duna servicio na clientenan, cu a suministra consumidornan cu experiencia formidable durante tur e añanan aki.
Pesey mes tin di duna palabra di danki na Elvia pa su empeño di duna semper e mihor servicio na nos comunidad y turistanan.
