ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Elizabeth a haci tambe! El a mira e numbernan aparece riba un recibo di compras, y el a dicidi na usa e numbernan ey pa hunga Zodiac.
El a bira feliz pa mira cu el a gana tambe! Pesey riba Diamars el a acudi na oficina di Lotto na Playa pa reclama su premio. Despues di a laga e funcionarionan revisa su ticket, a scan e barcode. E computer mesora a indica cu Elizabeth a gana 10.000 Florin cu e wega di Zodiac.
Mesora a cuminza cu e proceso pa transferi e premio electronicamente pa su cuenta di banco. Elizabeth a indica cu e ticket ganador mes el a cumpra na Lucky Cher-ann.
