ORANJESTAD (AAN): Hendenan gusta cumpra sorteo di Big 4, cu ta hunga tur dia tanto merdia como anochi pa Lotto di Aruba.
Recien Elias a cumpra su numbernan di suerte, y a bira feliz cu el a gana! Pesey mes riba Diabierna el a acudi na oficina di Lotto pa reclama su premio.
Aki mesora e funcionarionan di Lotto a revisa su ticket pa check si el a pone su firma banda patras, y a scan e barcode. E computer inmediatamente a confirma cu Elias a gana e suma di 11.400 florin cu e wega di Big 4!
Asina a sigui cu e proceso pa transferi e premio electronicamente pa su cuenta di banco. Elias a splica cu e ticket ganado a wordo cumpra na Lucky Numbers Wilhelminastraat.
