ORANJESTAD (AAN)- Comision Promove Cultura y Fundacion Cultural di Festivalnan Folklorico ta invita pueblo di Aruba
pa forma parti di e fin di siman cultural benidero cu mas di 30 tent cu diferente cuminda, cos dushi y artesanianan pa bende.
E actividadnan aki ta riba Plaza Libertador Betico Croes y a cuminza ayera caba, y ta sigui awe Diasabra y Diadomingo.
Awe Diasabra lo tin e Festival un canto pa Aruba, su Himno y Bandera infantil-Hubenil cu 20 cantante y 6 agrupacion musical. Esaki ta cuminzando pa 6’or di atardi. Diadomingo dia 6 di Maart lo tin e Festival un canto pa Aruba su Himno y Bandera adulto caminda lo bay tin 18 cantante y 10 agrupacion musical.
