Elaine Tromp eligi como reina di Lillyputters Speelschool

ORANJESTAD (AAN): Recientemente den ballroom di Renaissance Convention Center a tuma luga e eleccion di reina di Lillyputters Speelschool 2023.

Un total di 6 princesita a participa acompaña pa 4 prins.

   E atardi aki, e Maestro di Ceremonia pa di 7 aña consecutivo, tabata Addonsito Croes.

   A presenta EZ Party Sollutions cu Encanto, “Ianway” Ian Tromp cu e tumberito “den mi truck”, Payaso Loco Loco, Elise Heronimo & friends,  Mila & Liv cu e reina- y prinsnan.

   E 4 prinsnan tabata Jackson Fingal, Max Fingal, Kiaan Croes y Jake Schwengel. Prome cu e final e Reina saliente Nyah Illes a duna un bunita show di despedida.

   E hurado tabata Davina Habibe, Jadah Petronia, Ichelle Simon, Alysa Simon, Versherinne Alberts y Marisol Heronimo.

   Na final e resultado tabata:    Bailarina Lillyputters Salome Andrade, Barbie Lillyputters Evy Ras, Popchi Lillyputters Aliah Ribon, Princess Lillyputters Daisa Croes, First runner-up Lillyputters Abrianny Franken y Reina Lillyputters Elaine Tromp.

   Un pabien ta bay na juffrouw Lilly Arends y su team di maestronan pa e celebracion di 45 aña.