Educando hobennan mas encuanto e mundo di pesca

ORANJESTAD (AAN): Recientemente tabatin un dia, caminda cu dos experto local

a bay duna charla yena cu informacion na dos Scol Primario na Aruba.

   E funcionario kende alavez ta hefe di Seccion di Pesca di Santa Rosa, esta Byron Boekhoudt hunto cu  Artur Giel (President Fundacion di Pesca Hadicurari), tabata presente y nan a sinta y papia y mira con wowo di e alumnonan tabata constant riba nan pa absorba e informacion.

   Ambos a comparti hopi informacion valioso encuanto di Pesca y a ilustra diferente material na e studiante nan.  Ademas di pesca, e studiantenan a ricibi informacion encuanto di plantamento y criansa di bestia for di e funcionario Ludwig Rasmijn di Santa Rosa. Den un presentacion cu varios potret, e mucha nan por a mira potret y despues hasi pregunta.

   Santa Rosa tin como meta pa 2025, pa sigi stimula y educa nos mucha nan como tambe nos hoben nan, encuanto di e importancia di produci nos propio cuminda.