Juffrouw Angelique Quijada, Presidente nobo SIMAR:
ORANJESTAD (AAN) – Juffrouw Angelique Quijada, ademas di su funcion como Coordinador di Ciclo Basico di EPB-Hato, a wordo elegi como presidente nobo di Sindicato di Maestronan di Aruba (SIMAR).
Den un entrevista cu DIARIO, durante e evento “Meet & Greet”, Angelique a comenta cu dia cu el a bira miembro, na aña 2016, el a puntra kico e mester pa e por drenta den e Hunta Directiva.
Na Administracion el a wordo bisa pa djis ora tin eleccion, postula su mes. Awo cu e tin 10 aña di experiencia den enseñanza el a dicidi di bay pa e reto aki. Otro motibo ta cu su omo, den feliz memoria, tabata presidente di “General Workers Union” y a fungi tambe como Mediador di Gobierno; su ruman homber tambe ta den e directiva di STT Sindicato di Telecomunicacion). E ta para pa su derechonan semper, y aworaki den e Hunta directiva di SIMAR e lo tin mas chens pa por haci esey, di para pa derecho di tur e miembronan, di tur e maestronan, y yuda e hobennan tambe cu educacion, den enseñanza.
Como un lider sindical bastante hoben, su pensamento ta cu enseñanza ta e arma poderoso pa bienestar di un pais, y su meta ta pa zorg pa e educacion di Aruba su muchanan; na unda cu e por yuda e lo haci esey y tambe e maestronan.
“Mi pensamento ta cu mi mester por yuda cu e posicion huridico di e maestronan y e lo lucha pa esey.
