Edmond Molina a drenta den 'Guinness World Records' cu impresionante hazaña

ORANJESTAD (AAN)--Diasabra atardi, na e sala di Joe Laveist, a tuma un actividad cu tabata un exito,

caminda hopi famia y conocidonan a bin pa presencia e acto aki di Edmond Molina, cu a duna un presentacion unico pa tur por mira esaki en bibo.

            Esaki tabata algo hopi impresionante pa wak con un hende por hasi esaki, na unda Edmond a lanta un peso di nada menos cu 93.9 Kg cu su boca y diente parando riba su mannan riba un bara di gymnastiek y pone su curpa den posicion horizontal tambe, y asina hunto conta su tempo, cuanto e lo keda cu esaki wanta cu su boca y diente y asina nan por a tuma su midi tambe y altura, asina por cumpli cu esaki por a bay den e Guinness World Records di “Heaviest Weight Supported”, cu lo wordo anuncia oficialmente pa e organizacion mes, ora nan regla esaki den nan seno.

            Tin cu bisa un biaha mas cu un ARUBIANO ta resalta den e mundo di hazañanan, asina bay den e Buki di Guinness. Pabien na e ekipo cu a yuda pa esaki ta un logro grandi pa Aruba y na Edmond molina un pabien grandi di nos di media y cu e sigui haci su best den futuro mustrando e mundo henter cu nos como Arubiano tambe tin talentonan asina y, ta spera lo tin mas di esaki den futuro asina tambe mustra tur esnan eyfo cu si bo tin un soño bay pe.

            “No laga ningun hende bisabo cu no bo por”, palabranan di Edmond Molina cu a logra esaki door di perseverancia y Fe den Dios cu tur cos lo sali bon y diasabra el a mustra esaki na tur y mundo henter cu SI por!

            Na Edmond un biaha mas, pabien y tambe na su famianan cu tambe ta presente, amigonan tur pabien cu e logro grandi aki pa nos pais Aruba.

            Aki por mira riba foto momentonan real di diasabra atardi. Pabien Edmond!