ORANJESTAD (AAN): E ta un di e weganan di mas popular di Lotto. Pa bo hunga Zodiac, bo mester simplemente cumpra un number consistiendo di cuatro cifra, y ta agrega un signo zodiacal na dje, y bo ta cla pa bay den wega.
Esey ta loke Edith a haci tambe, y el a gana! Pa tal motibo riba Dialuna el a presenta na oficina di Lotto na Playa pa reclama su premio.
El a mustra nan su ticket cu tin e firma poni banda patras, y mesora a scan e barcode imprimi parti dilanti. E computer inmediatamente a confirma cu Edith a gana 12.500 Florin cu Zodiac Anochi.
Asina a cuminza cu e proceso pa transferi e premio electronicamente pa su cuenta di banco.
Edith a indica cu e ticket ganador el a cumpra na Big Ten Lottery.
