ORANJESTAD (AAN): E informe tristo a drenta Diaranson, cu Juan José Rodríguez conoci como ‘El Pumita”,
yiu homber di e conocido cantante José Luis Rodríguez a fayece. Esey ta loke su yiu muher, Lilibeth Rodríguez Morillo a duna di conoce oficialmente.
El Pumita a yega di bishita Aruba tambe na final di decada di 1990 pa una un presentacion aki. El a bishita diferente compania local unda publico a bay saca potret cune, principalmente debi cu e tin un parecido hopi similar cu su tata.
E actriz y compositor Lilibeth Morillo a pidi respet pa cu e situacion delicado aki, y a agrega cu autoridadnan ta haciendo un investigacion rond di su morto.
El Pumita di 52 aña, tabatin un carera extenso den mundo artistico, y aunke nunca el a wordo reconoci pa su tata, su fanaticonan a catalog’e como “dos druppel di awa” debi na e gran parecido fisico. Ademas, e tin 15 album graba den varios genero, for di vallenato te cu bolero.
El a cuminza actua na Venezuela mes cu 17 aña di edad, specificamente na un discoteca cu ta pertenece na Lila Morillo, e ex-casa di e famoso José Luis Rodriguez, cu kende ademas el a sigura di tin un relacion estrecho di amistad.
