Atende cu salud mental ta un tarea di nos tur
ORANJESTAD(AAN): Recientemente minister di Enseñanza Endy Croes a anuncia lanzamento di un proyecto School Tour, cu ta un bunita idea di e artista conoci Levi Silvanie, pa yuda atende cu esnan cu por tin contratempo pa loke ta nan salud mental.
Banda di participacion di e artista local Janiro ‘Ataniro’ Eisden, GGZ tambe ta sostene e proyecto
Durante un conferencia di prensa Dalgis Montalvo di GGZ a trece dilanti cu locual ta bay enfoca riba dje cu School Tour, ta locual cu GGZ ta trahando riba dje tur dia.
“Uno ta e problematica cu tin biaha no tin suficiente herment of personal, pero si tin e deseo di traha”.
Pesey ta hopi bunita pa wak cu ministerionan ta bin hunto, como tambe expertonan di experiencia, esta hendenan cu a pasa den situacionnan dificil.
Asina ta mustra cu no ta abo so ta den e barco ey, sino nos tur, segun Montalvo, kende a sigui bisa cu a yega e momento cu el a bira un tarea di nos tur.
El a indica cu no ta un tarea solamente di instancianan of Gobierno, sino e meter bira algo di cada un di nos.
“Cada un di nos mester siña con pa ‘open up’, con pa papia y sinti cu bo por wordo scucha y cu e persona banda di bo tin e tolerancia y e momento pa dunabo e espacio pa bo expresa bo mes”.
For di momento cu mi a tende di e proyecto aki mi a haye uno asina bunita cu por tackle e problematica di salud mental bao di nos hobennan, segun Montalvo.
