ORANJESTAD (AAN): Durante un conferencia di prensa Dialuna mainta, minister di Enseñanza Rudy Lampe a anuncia cu e dia ey mes a haci entrega di materialnan di donacion na Fatima College na Dakota.
“E materialnan nos a ricibi for di Hulanda pa nos scolnan”.
Ta trata di materialnan casi nobo y hopi util cu nos scolnan por uza tremendamente, segun e mandatario.
Lampe a sigui bisa cu durante e siman aki 3 scol catolico, esta Fatima College, Colegio San Jose y Filomena College ta ricibi e materialnan aki.
E minister a probecha di e oportunidad pa desea tur e muchanan cu ta den examen hopi exito durante e periodo aki.
