ORANJESTAD (AAN) -- E parlamentario di fraccion di MEP, Alvin Medina, den conferencia di prensa di Diaranzon mainta, a indica cu e ta convenci cu union ta haci forza. Esey el a perfila cu e siguiente declaracion:
“Berdad nos ta bibando den un crisis, pero e ta posible pa nos haci cosnan positivo, si nos dicidi di cera cabes. Awo, pa uza e union aki como un analogia, como un ehemplo pa Parlamento, e siman aki lo continua cu e reunionnan tocante e comisionnan fiho, cu participacion di e miembronan di Parlamento, den esaki”, Alvin Molina a menciona.
El a agrega cu loke ta bunita di esaki ta, cu tur fraccion ta representa den e Comisionnan Fijo, loke ta duna nan e chens di controla Gobierno, duna critica tambe, pero ademas pa, activamente, aporta den e maneho di e decisionnan di e ministernan. Esaki ta e manera con Parlamentario Alvin Medina ta desea pa e comisionnan aki funciona. Esey el a subraya, finalmente.
