ORANJESTAD (AAN): Chens un biaha mas pa riba dianan 29 y 30 di April, como tambe 6 y 7 di Mei pa pueblo mira e documentario “The Prime Ministers”.
Stichting Klein Aruba, representa pa Addonsito Croes, hunto cu Omar Harms ta presenta e documentario, conoci pa hopi como e documentario mas bishita di ultimo añanan na Aruba. Den luna di maart 2025, mas cu 950 persona den Cas di Cultura tabata testigo di e documentario cu a mustra e parti humano di Aruba su prome cuater Prome Ministernan desde 1986. E naracion ta den man di Erin Croes y e filmacion y editing tabata di Wolff & Co studio.
Pa duna esnan cu no a mir’e ainda un otro oportunidad pa disfruta di dje, a dicidi cu ta pas’e e dianan 29 y 30 di April na ArtisA, na San Nicolas. Tambe dianan 6 y 7 di Mei na Biblioteca Nacional di Aruba na Playa.
Den The Prime Ministers, e actornan principal cu nan parti humano, ta Aruba su Prome Ministernan Henny Eman d.f.m., Nelson Oduber, Mike Eman y Evelyn Wever Croes. Den dje varios ta e personan cu a hunga un rol importante den bida di cada Prome Minister, lo ta na palabra.
E ora ta 6:45 pm, y ya for di 6:00 pm porta lo habri. E contribucion ta 12,50 y ta pidi un y tur pa trece e suma aki, mas exacto posibel.
