Mirto Lacle, Gestor Cultural, den su presentacion a splica:
ORANJESTAD (AAN)-- Siguiendo cu e Gestor Cultural Mirto Lacle, na Biblioteca Nacional, y su presentacion di e Buki “Sint Eustatius: Restoring Our Ties” skirbi pa Dr.Artwell Cain, den e contexto di e simbologia cu Lupita Bernabela a trece dilanti, el a splica cu via e signonan di purificacion, labamento, etc., ta mustra con pa anda cu respet ora di entiero.
“Pasobra netamente e buki di Artwell Cain, ta trata di esey. Caminda, Europeonan a bin sakea 69 curpa sin notifica pueblo. Y asina a cuminza bira cu nan a pidi atencion cu tin cu a haci un re-entiero, keda dera na un forma digno”, Mirto Lacle a splica.
El a añadi cu ta p’esey el a haci un referencia global di Africa pa Caribe, y pa Aruba tambe, pa mustra cu akinan nos mester anda cu akinan tur hende mester anda cu respet. El a señala cu akinan hopi biaha cosnan a bay atras.
“Ritualnan cu Lupita a uza ta mustra cu el a hacie no den un pelicula, sino personal caminda hendenan por a combibi. Kiermen, cu ta un forma di opresion cu nos a traha, y aki bo ta mira un artista, un actor, cu sea e organizador, director, con cu bo kier yame, a haci esaki, pasobra ta un ekipo di Biblioteca Nacional Aruba, dirigi pa Astrid Britten, y DCA dirigi pa Siegfried Dumfries, y Jhon Freddy Montoya, cu ta aki pa documenta, y mi persona, Mirto Lacle, y Jenny Boezem, cu ta para tras di esaki. E ta manera nos ta bisa ‘stage manager’ cu ta hinca tur cos den otro ‘a la seconde’, pasobra e programa tin cu sigui pa caba”, Mirto Lacle a relata.
El a agrega cu nan ta un team di tres persona, kiermen, un triangulo manera Lupita a mustra den e ritonan di esaki. Un rito cu ta ‘prome cu dera, ora di dera, y despues di dera’.
“Semper esakinan ta reglanan skirbi cu pueblo tin cu anda cu nan. Kiermen, un bunita forma di trece dilanti y nos tin un Frankie Arrindel cu a toca steel-pan, cu ta mescos cu drums, y nan ta carga y transmiti un mensahe”, Mirto Lacle, Gestor Cultural, a relata.
