Crisis Team Leider, Sharline Koolman:
ORANJESTAD (AAN): Un problema cu ta bay keda mundialmente ta esun di e porcentahe di paisnan cu tin nan poblacion vacuna y esunnan cu no.
Segun Sharline Koolman, Crisis Team Leider, tin paisnan manera Israel cu ta bezig ta vacuna caba cu e di cuater vacuna. Pero mundo completo no ta bon vacuna ainda. Tin paisnan cu ta 7 pa 10 porciento vacuna y esey ta causa cu ta bay keda haya variantenan nobo cu ta keda sali.
"Tanten cu bo ta keda haya mutacion cu variantenan nobo ta keda sali, ta bay keda bringa cu e situacion", Koolman a declara.
El a sigui bisa cu paisnan cu ainda no ta bon vacuna lo por keda mira e variantenan aki. Y manera cu hende ta move door di viahamento tur parti di mundo, e virusnan aki ta bula cu e hendenan den avion, den barco y ta yega caminda cu e tin cu yega.
"Atrobe ta keda pidi pa por fabor vacuna bo mes, vooral esnan mas grandi", a remarca.
E cifranan te aworaki di Hospital ta yuda den e sentido cu Hospital por keda haci 'cuido selectivo', cu ta e cuido cu algun tempo no por a wordo duna pa motibo di Covid. Tanten cu esaki por sigui sosode, Hospital lo haci e parti aki tambe, Sharline Koolman a indica.
Concretamente e proyeccion pa aworaki ta cu no ta spera cu maňan of otro maňan e casonan ta gewoon cuminsa baha y ta disparce
