Omaira Lares, directora di DRH:
ORANJESTAD (AAN): Omaira Lares, Directora di Departamento di Recursonan Humano (DRH) di Gobierno a duna di conoce durante e programa 'Entrevista di Dia' na Hits100 FM cu Aldrich Croes cu for di 2020 nan ta bezig, stap pa stap, trahando riba e asina yama 'prestatiemanagement'. El a bisa cu e sistema aki tampoco ta algo nobo y sigur algo bon pa cada departamento di gobierno.
Sinembargo, por topa cu e reaccion di e sindicatonan. Adolph Croes, HR Adviseur a duna di conoce cu esaki por ta debi na e hecho cu esaki ta wordo structura. Door di ley ta ancr'e pa pone reglanan pa ambos partido, tanto pa e werkgever como pa e empleado.
Den e funcion ta cu a haci palabracionnan riba kico ta bay traha, kico ta bay mehora den e periodo dilanti unda ta firma cu ta bay responsabilisa pa esey. Esey no tabata e caso prome, Croes a splica.
A agrega cu hopi departamento a crea un sistema interno pa nan por haci e combersacionnan aki y no tabata mara na un regla. Aworaki ta bira cu tur departamento mester haci'e y esey ta trece cu e ta bira un herment di maneho pa evalua.
E ta un herment di maneho cu pa lanta Aruba e ta nobo, pero cu pa sector priva y por ehempel Hulanda ta andando pa hopi tempo caba, a remarca.
E sistema aki ta yuda un empleado crece, Adolph Croes a señala. Un trahado cu yega na su schaal maximo, DRH tambe ta creando hermentnan pa cumpli cu esey. Si un persona ta haci un 'performance' tremendo, tambe tin hermentnan manera gratificacion na cual ta bin na remarca p'e y asina por sigui menciona.
E 'prestatiemanagement' no ta un herment cu ta dirigi riba castiga un empleado. E ta dirigi riba desaroya e potencial di e ambtenaar cu e aparato publico tin, Omaira Lares a agrega. E no ta bay solamente pa aumento di salario, pero pa wak kico mester manera cursonan, training, stage, etc cu e meta di yuda e empleado funciona di un mihor manera y desaroya su mes como un miho trahado.
Aworaki cu e sistema aki por wak unda tin 'gapnan' den e desaroyo laboral di e empleado publico, Lares a indica.
