E topico cu ningun hende kier haci nan mes ta bira noticia
*Fukishima y Chernobyl por entrega mundo e berdad
*Reactornan nuclear ta yena mundo na salida di petroleo
ORAANJESTAD (AAN)- Siman pasa DIARIO a lansa e pregunta grandi, Pakico e dirigente di World Health Organization ta papia di e necesidad pa paisnan crea un stock di medicamento contra exposicion nuclear?
Ta berdad cu mundo a alcansa un momento, den cual uzo di armanan nuclear ta bini dilanti den e confrontacion na Ukraine, cu ta un realidad cu for di momento cu bomnan atomico a marca fin di Segunda Guera Mundial, mundo kier a lubida.
Den silencio mundo a sigui arma su mes.
Na mes momento e demanda pa energia limpi a presenta y rond mundo reactornan nuclear ta wordo construi.
Na cuanto sitio na mundo na e momentonan aki tin peliger nuclear?
Cifranan ta papia di 422 reactor na mundo cu tin casi 400 mas den planificacion mientras mas cu cincuenta ta bou construccion.
Kico e peliger ta pa mundo?
Ukraine caminda Chernobyl a ocasiona desastre nuclear, por splica. Mescos Pueblo di Fukishima caminda un accidente den un reactor nuclear, a causa morto y destruccion pero te ainda hende, cu for di e accidente na 2011 ta biba na un pais destrosa, e loke a resta di nan bida destrui.
DIARIO ta traha y sigui traha riba e realidad nobo di mundo, cu den un crisis di petroleo ta busca solucion den energia nuclear.
Kico e peliger ta, ta conoci na e instancia mundial World Health Organization, cu manera informacionnan di DIARIO ta indica, ta prepara mundo pa peligernan cu por presenta sin cu mundo conoce un guera mundial cu uzo di arma nuclear.
E stock di remedi cu nan kier crea mester por duna hende un formula pa enfrenta e gran berdad di hende cu ta peliger nuclear cu no mester di guera pero un simpel accidente na un centro di produccion nuclear, manera a bira moderno na mundo!
