Ora cu nos ta papia di tradicion di Pasco na Aruba, hopi biaha nos ta pensa riba casnan dorna cu luz, gaita, Dande y mas cu claro ham y ayaca.
Pero scondi tras di tur esaki, tin un sabor cu ta conta un storia profundo. E cucui, of manera tambe bisa coecoei. Esaki ta un licor cu propio historia di cultura y un tiki travesura den tempo bieu, tempo di mi wela y di su wela tambe. Mi wela a conta mi cu e tempo ey, e cucui no por falta den casnan Arubiano den temporada di Pasco y Aña Nobo. El a bira un simbolo di bishita y hospitalidad.
Antes, mayoria cas tabatin un boter di cucui mara cu strik cora cla pa ricibi bishita di Pasco y Aña Nobo. Cu un sabor dushi y fini, cu no ta sinti e smaak di aloe, e tipo di bebida cu bo ta bebe cu sip chikito te ora cu bo realisa cu el a subi bo cabes y bo ta cuminsa sinti manera bo ta drief, ta mi wela a conta mi esaki.
Mi wela a conta mi tambe, cu riba un bon Pasco, mi ruman homber chikito a haya e boter prohibi di cucui mal para. Pa curiosidad of pa travesura, el a dal un sip, di dos… y asina el a sigui dal sip te ora cu el a discubri e otro banda di e spirito di fiesta na Aruba. Contal e boter a disparce y mi ruman a keda benta den sabana bou palo di tamarijn rondona di primonan cu tawata hari bay of.
Cucui ta un testimonio cu nos isla, den tempo di mi wela, y di su wela tambe, tawatin e habilidad pa mantene e tradicion festivo cu un poco di aventura. Awendia, cucui no ta aparece mucho mas den temporada di fin di aña, pero su legado ta permanence den memoria di hopi. Un tradicion di nos. E Pasco aki, brinda mi un cucui.
