Economia di Aruba basa ariba importacion y trafico internacional
- 40 aña despues di Status Aparte ta discuti un servicio esencial
- Meteorologia ta dicidi riba mucho mas cu drumi den solo na beach
ORANJESTAD (AAN) Dia Prome di Januari 2026, Aruba ta cumpli cuarenta aña cu el a bira pais. For di e momento a yega na areglonan con mester atende cu continuacion di servicionan cu mester a wordo duna na tur nivel y den ramo cu e pais ta exigi.
Na e momento a dicidi pa Departamento di Meteorologia na Aruba, cu ta un pais cu pa mas cu un motibo ta depende sigur di e servicionan cu Departamento Meteorologico ta brinda.
E trabou cu meteorologia ta contene hopi biaha ta wordo malinterpreta dor di publico cu no ta realiza cu aki ta trata di un servicio cu ta dicidi pa bida y morto di hende y pa henter economia sigur di un isla manera Aruba.
Aruba ta un isla cu ta depende riba exterior pa cubri su necesidadnan basico den maneho di asuntonan esencial.
Meteorologia ta un ramo sumamente exigente cu ta exigi un bon base di estudio, cu no ta basa ariba e momento cu solo ta sali y por spera awacero.
Meteorologia mester guia aviacion riba condicionnan cu ta decisivo pa bida di tur hende cu ta subi un avion of ta aborda un barco pa subi laman.
Aruba como isla ta depende di transportacion den cual riba tereno internacional, meteorologia ta central.
Prome cu un avion subi e ta traha un plan di vuelo cu meteorologonan pa asina e asegura con e mester dirigi su avion a base di e ruta cu e kier sigui.
Barconan ta wordo informa di condicionnan di laman y con nan tambe por desvia problema.
Esaki ta sumamente en corto loke Servicio Meteorologico ta haci a base di un base di estudio cu sigur no por wordo considera facil.
Mescos cu ta e caso den tur ramo, meteorologia tambe conoce rangonan a base di capacidad cu educacion ya exigi.
Ora tuma nota di e lugar di meteorologia riba e lista di estudionan cu no ta facil, por comprende pakico no ta facil pa haya personanan capaz pa por dirigi y traha na e servicio, cu conoce diferente rango mescos cu tur otro accion laboral.
Aruba como isla conoce situacionnan cu ta exigi exactitud enorme di e trabou cu un miembro di personal di e ramo aki di trabou, mester por ofrece.
Un meteorologo ta un specialista cu no tin e titulo profesional aki pasobra e ta traha na un servicio meteorologico pero pasobra el a realiza e estudio necesario pa yama su mes meteorologo.
Mescos cu den cuido medico tin dokter, tin enfermera, tin diferente otro rango, den mundo di meteorologico tin diferente rango manera e observador cu ta observa tur e detayenan cu naturaleza y tur re detayenan cu e mester pone riba lista pa asina por expertonan despues di analisis, yega na e conclusion kico por spera di condicion di tempo.
Personanan cu tin basta tempo ta atende cu tempo, ta na haltura cu ora nan mira cierto situacionnan nan mester cuminsa tene cuenta kico por socede.
Esaki, sinembargo, no ta algo facil y algo cu tur hende por haci. E ta exigi e conocemento di e materia den tur aspecto pa finalmente yega na un conclusion.
Bida di hende ta depende di meteorologia den un mundo cu a bira chikito pa motibo di e medionan di transportacion cu hende ta uza na tera pero tambe riba laman y den aire.
Na tera, hende por bula for di un auto y bay sconde den un edificio. Un viahero den avion of barco si no por haci esaki. Aki ta caminda e trabou di meteorologo ta asina importante mescos den conocemento di un factor chikito, cu cualkier hende lo no duna sikiera atencion.
Atende cu naturaleza ta un reto. Sigur ora ta atende cu sistemanan peligroso den circumstancianan cu por cambia.
Aruba ta un isla. E ta depende di turismo pues di hende cu ta viaha cu avion of cu barco pa yega e pais of pa bolbe nan destino.
Hende pues cu ta entrega nan mes hustamente na e trabou mas importante di meteorologia cu ta dicidi riba peligronan pa cada vuelo pa cada barco cu bandona un haf debi na condicionnan di biento, di yobida, di laman, pa menciona algun.
Servicio Meteorologico ta indispensabel pa un pais manera Aruba cu ta depende di importacion di cuminda, di material, di turista, di peliger cu cualkier hende no por mira.
Den un economia basa riba turismo y importacion, servicio cu mester yega for di aire y laman hasta pa percura pa hende por come, ta depende di condicionnan di tempo pa nan transportacion y otro aspectonan.
A yega e momento pa atende Departamento Meteorologico a base di su realidad pa asina percura cu Aruba ta prepara pa loke solemente un experto meteolorogico por mira, cu ta sorpresanan di tempo inclemente, cu no ta permiti e forma cu meteorologia hopi bez ta wordo atende dor di gobernante y publico!
