E mecha di Fundacion BrassaVola a cende bek

ORANJESTAD (AAN)- Fundacion Brassavola a wordo funda na 2013, pero door di circumstancianan nan no tabata activo pa un paar di aña.

Segun Sra. Joan Danies, tabata Sra. Vicky Arens cu a cende e mecha  bek cu awor nan a reactiva e fundacion cu 4 miembro pa incentiva y traha pa loque ta trata e area artistico y den tur tipo di disciplina general.

  Sra. Danies a presenta e personanan cu ta yudando cu e fundacion aki kendenan ta Madelene Kelly, Rodney Kamperveen, Angelo Angela, Jermain Acosta, Gilner Dirksen, Sinthya Ridderstaat, Shaindra Ashby e.o y cu ayudo di Vicky Arens di Cas di Cultura y tambe Stanley Damian di Departamento di Cultura, tin mas lidernan tambe cu lo bay traha den diferente disciplina. Nan lo cuminza den 3 edificio cu lo bay ta na San Nicolas, Tanki Leendert y Playa.

  Por a compronde di Sr. Vicky Arens cu nan ta trahando riba un proyecto caba cu lo bay ta na Mei y cu nan ta buscando ainda hobennan cu kier participa den e proyecto aki. Pa cu esaki lo bay tin informacion y inscripcion awe Diahuebs di 5’or pa 9’or pa hobennan te cu 12 aña cu kier participa den e teatro aki, y tambe di 6’or pa 9’or pa hobennan di 13 aña pariba. Hunto nan lo traha pa presenta un bunita obra pa mucha.

Fundacion BrassaVola tin bon cooperacion cu diferente instancia y nan deseo ta pa por tin nan propio edificio, pero e importante pa awor ta pa bin cu workshop y seminarionan den tur manera en general pa asina bin cu diferente proyectonan cu nan ta bay organiza.