E di tres “Rhytmic Gymnastic Competition “Aruba International Cup” a tuma lugar den Centro Deportivo Betico Croes

Di 12 pa 14 di September:

*Cu participacion di Colombia, Costa Rica, Jamaica y Brazil y, logicamente Aruba!

Perla Gimnastics y Federacion Gimnastico Arubano (FGA), a organiza su di tres “Rhytmic Gymnastic Competition “Aruba Internacional Cup”, e dianan 12 pa 14 di September 2024.

Durante e apertura, a yama bon bini na e delegacionnan participante a bin for di Colombia, Jamaica, Costa Rica, Brazil y logicamente, Aruba. El a tuma lugar den Centro Deportivo Betico Croes.

Miguel Angel Ortiz, vicepresidente di Perla Gimnastics, a yama bon bini na e delegacionnan y publico presente. El a yama pa bin dilanti e clubnan respectivo, seguidamente a resona nos Himno Aruba Dushi Tera, y despues a continua cu e programa. Ortiz a expresa palabranan di danki hopi special na e hobennan di Trayecto Formacion Social cu a yuda nan transporta e tapijt cu tabata sumamente pisa. Tambe el a gradici tur sponsor, tur e coachnan y gobierno di Aruba y e miembronan di Perla Gimnastics.

Seccion Hubentud den Movecion ta felicita e Atletanan di Gimnasia Ritmico aki, y Aruba como anfitrion di e bunita evento aki.