Riba e topico 'Renobacion di sucursal'
ORANJESTAD (AAN): Recientemente, N.V. Elmar a organisa un 'Town Hall Meeting' na Teresita Center na San Nicolas esaki den conexion di e trabaonan di renobacion cu ta bay tin na e sucursal di Elmar na San Nicolas.
Vocero di N.V. Elmar, Audrey Croes a splica cu tin dos meta pa cu esaki y un di nan ta pa mehora e servicio pa cliente den e sucursal y alaves pa relansa e ekipo tecnico bek na San Nicolas.
Prome cu Covid tabatin un team tecnico na San Nicolas cu ta atende cu asuntonan pariba di brug y esaki ta bay ta e caso atrobe pa locual ta cera e 'branch' temporalmente pa ehecuta e trabao di mantencion, el a bisa.
Segun Croes, dos aña pasa Elmar a relansa su 'opendag' y esaki ta e momento cu comunidad por yega cerca Elmar pa comparti e trabao y haya informacion directo. Anja pasa Elmar a cuminsa participa den diferente feria, expo, evento, etc.
"Pa Elmar ta importante cu nos ta den comunidad (...), pero tambe personalmente cu nos comunidad, cu nos clientenan y tambe", el a expresa.
Banda di esaki aña pasa a lansa e sesionnan informativo yama 'Contacto cu Bario'. E sesionnan informativo aki ta pa duna informacion cu ta relevante na e momento ey. E prome contacto cu bario tabata na Noord cu e topico di Inspeccion di Energia Solar y tambe con pa compronde bo cobransa.
E intension ta pa sigui cu e sesionnan aki rond di Aruba. No a tene mas sesion ya cu a bin cu e 'opendag'.
Awor ta habri 2025 cu 'Town Hall Meeting 2' e biaha aki cu e topico specifico di e renobacion di e sucursal, Audrey Croes a indica.
E 'Town Hall Meeting 2' ta bay tuma luga diamars 11 di februari pa 7'or di anochi na Teresita Center na San Nicolas.
