Mientras cu e keintura di futbol ta pasa rond mundo, un ekipo di futbol ta forma su mes na Aruba.
Na 1909 Gerard de Veer ta ordo for di un catalogo un bala di futbol for di exterior y ta regala su dos yiu hombernan Eddy y Geffy.
Tabata Dominee Gerrit Eybers hunto cu e rumanan De Veer y algun mucha hombernan di e bario di Oranjestad ta forma e prome club di futbol di Aruba.
E nomber di e club tabata Aruba Voetbal Vereniging.
E tereno di wega di futbol tabata den Hendrikstraat na unda awe ta edificio di Corte di Husticia.
Pa por a traha e veld mester a corta tuna, cadushi y matanan di hubada y kwihi.
Hasta mester a desmantela un cas di piedra Cu tabata den e tereno y bolbe traha e cas na banda di e tereno.
Un ingles cu tabata traha na compania di fosfaat tabata yuda cu entrenamento.
Remarcabel di e ekipo di Aruba Voetbal Vereniging ta cu ta parti e ekipo den 2 ekipo di color cora y color blauw.
Esaki tabata motibo cu no tabata tin otro ekipo of club di futbol como contricante.
E dianan di wega tabata diasabra, diadomingo y dianan di fiesta.
Compila pa Roberto Croes
Nos Historia Nos Herencia
Fuente: Historia di Futbol 1909-1959
Francisco Vrolijk
