Thomas Ruiz, Instructor y Vicepresidente di VRA ta splica:
ORANJESTAD(AAN): Recientemente, Departamento di adulto mayor, a publica un video den cual Thomas Ruiz, Instructor di scol di maneho y ademas Secretario y Vice-Presidente di e Asociacion di Scolnan di Maneho di Aruba, a splica via, loke ley di trafico, pa loke ta regarda peaton, ta encera.
Pa cuminza Señor Thomas Ruiz a expresa e siguiente indicacion: “Tur adulto mayor tin preferencia riba caminda, sea tin of laga tin un zebrapad. Tene cuenta na dje, baha bo speed, duna nan preferencia, y respeta e ley aki”, señor Thomas Ruiz a expresa na un forma contundente.
Ruiz a splica tambe e cinco reglanan di peaton.
(1) 1. Esun mas popular ta e zebrapad.
E Zebrapad ta wordo reconoci door di e linea blanco y e borchi. “Bo tin cu duna preferencia na e peaton cu ta cruza e zebrapad y cu ta bay cruza. Esey ta loke a cambia den e ley”, señor Ruiz a señala.
(2) E di dos ley ta bisa cu bo no por sali di un rotonde of haci un birada cortico na drechi di bo cruzada y corta caminda di un peaton of un ciclista.
(3) E di tres ley ta bisa cu bo no p or sali di un rotonde of haci e birada cortico drechi of robes, y bira dilanti di bo contrario cu ta un peaton.
(4) E di cuater ley ta e Ley di FAVI, cu ta bisa cu tur persona ciego of cu un garoti guia, of limitacion di movilidad tin preferencia.
- E di cinco ley ta bisa, tur trafico cu ta bin parti drechi of robes di un peaton, tin preferencia riba un peaton.
