ORANJESTAD (AAN): Manera a wordo anuncia diabierna, e maneho pa loke ta viahe a cambia un biaha mas den cuadro di e pandemia.
Sharline Koolman di Departamento di Salud a duna di conoce cu asina cu un pais yega na 150 caso nobo pa 100.000 hende den 14 dia, e momento ey pa Aruba, e pais ey ta bay den un 'high risk'.
Esey a sosode algun siman pasa cu Hulanda tambe caminda for di e momento ey no tabata acepta e hendenan cu a vacuna so mas, pero e personanan mester a haci e PCR test pa por drenta Aruba, a bisa.
Segun Koolman, esaki ta un maneho cu a wordo palabra no di awo pero mas cu un luna pasa den Crisis Team. Nan a anuncia esey y awor nan ta keda ehecuta esaki y cada dos siman ta revisa e 'landenlijst' y si un pais ta subi riba 150 caso of ta baha e ta bay den 'low risk' of den 'high risk'.
Esey ta e medida cu a tuma, pero esey no ta un medida cu ta bin cada biaha, pero e ta palabra caba, a enfatisa.
