Leo Vrolijk di Expo Lens di mi Wowonan
ORANJESTAD (AAN): Awe Diamars anochi lo tin inauguracion di expo di fotografonan di prensa, esta ‘Expo Lens di mi Wowonan’, organiza pa Leo Vrolijk y sosteni pa RBC Royal Bank.
Leo Vrolijk un biaha mas a indica cu e ta manda palabranan di gradicimento na Departamento di Cultura di Aruba, Urig Feliciano, Erik Boeldak, Michelangelo Arends, y Noel Werleman kendenan a bay di acuerdo pa nan ricibi un honor e aña aki na e Expo.
E expo mes lo keda habri henter luna di September durante horario normal di Biblioteca Nacional Aruba den Madurostraat na Playa. El a gradici RBC Royal Bank pa e sosten.
E biaha aki el a ricibi colaboracion di 19 fotografo local, contribuyendo cu mas di 200 potret. Di tur esaki, mayoria di e potretnan ta di actividadnan deportivo.
