Directora, Ankie Danker:
*Lo cuminza aña cu 1660 studiante
ORANJESTAD (AAN) – Ankie Danker, Directora General di Colegio Educacion Profesional Intermedio (EPI), den entrevista cu DIARIO a duna di conoce cu nan a cuminza un aña cu 1660 studiante.
E ta kere cu toch EPI ta keda un di e scolnan mas grandi na Aruba, cu un reto grandi pa guia e alumnonan y forma profesionalnan.
EPI ta traha riba e personalidad di profesionalismo, nan tin hopi actividad, y nan ta bezig riba un “for newing” unda cu cierto opleiding nobo lo wordo ofreci pa e siguiente aña escolar.
Pa augustus proximo cuater opleiding nobo ta cuminza y nan ta bezig cu train e docentenan, adapta e infrastructura, inverti den cosnan necesario. Pero di otro banda tin e studiantenan cu ta terminando. Kiermen, nan ta bezig cu dos aspecto, e studiantenan cu drentando y esnan cu ta saliendo.
Ankie Danker a declara cu na tur nan tin 221 studiante cu a gradua y ainda tin diez studiante potencial pa haya nan diploma e siman aki, kiermen nan ta bezig ainda, y e ta contento cu nan a entrega 221 graduado pa e mercado laboral y nan ta contento cu e resultado.
