ORANJESTAD (AAN): Jurette Croes, Vocero di Departamento di Salud Publico (DVG) a duna di conoce cu tur aña DVG ta
purba di conscientisa comunidad riba locual ta e tareanan y obligacionnan pa contribui pa reduci e posibilidad di haya un brote of aumento di malesanan transmiti pa sangura.
E aña aki ta enfoca riba un accion chikito, pero cu un efecto grandi, Croes a remarca.
No ta rekeri hopi esfuerso pa cana rond di bo cas y bolter e obhetonan cu por retene awa manera un tayo bou di un mata, un coi hunga, tire of cualkier obheto cu por carga awa y tira e awa afo. E sangura no mester di hopi awa. Djis un espacio chikito cu ta contene awa por pone su webonan y broei, el a bisa.
DVG y Gele Koorts Muskieten Bestrijding (GKMB) ta hibando e campaña aki di conscientisacion conscientisacion ya cu ta rekeri ayudo di comunidad pa yuda limita e posibilidad di haya aumento di casonan di Zika, Dengue, Chikungunya y hasta casonan di keintura geel (gele koorts).
Tur persona cu ta cuminsa haya sintoma manera dolor di weso, cansancio, dolor di spier, keintura, pa acudi na dokter di cas. Y si dokter ta sospecha cu ta trata di un malesa transmiti pa sangura, e lo pidi pa bay laboratorio y haci un test. Tambe por yama DVG na 522-4200 na Departamento di Malesanan Contagioso of pidi pa GKMB y nan lo bay bo cas y lo yuda bo check rond di bo cas si tin awa para, Jurette Croes a indica.
