ORANJESTAD (AAN): Directie Volksgezondheid (DVG) kier compronde e motibo pakico un parti di nos poblacion ainda no a tuma e vacuna contra Covid-19 na Aruba.
Pa motibo aki, si bo persona (ainda) NO a tuma e vacuna contra Covid-19, DVG ta puntra bo persona pa yena un encuesta cortico.
Adicionalmente, DVG kier organisa un focus group pa compronde mas miho e motivacion tras di e desicion pa no tuma e vacuna contra Covid-19. Esaki ta opcional.
E encuesta ta anonimo, pues no ta captura informacion personal di bo persona. Solamente den caso cu bo persona ta desea den participa den e focus group, DVG lo pidi algun informacion personal pa por tuma contacto cu bo persona cu mas detayenan encuanto e focus group.
Por yena e encuesta via e siguiente link: https://forms.office.com/r/Gf45w0BwHt.
