ORANJESTAD (AAN): Manera ta conoci, Diadomingo tabata Dia di Enfermeria.
Na e ocasion aki, Departamento di Salubridad Publico (DVG) relaciona cu e fecha importante aki, a felicita y gradici tur su enfermeronan.
Tin un total di 12 enfermero cu ta trahando den diferente seccion di DVG na Aruba. Nan tur a haya un treat chikito den cuadro di e fecha importante aki.
Dia Internacional di Enfermeria ta wordo observa semper dia 12 di Mei, pa conmemora e nacemento di Florence Nightingale. E ta un dia pa reconoce y celebra e contribucion cu enfermeronan ta haci na sociedad y enfoca riba nan rol importante den salud publico.
View the embedded image gallery online at:
https://diario.aw/categories/noticia/general/dvg-a-honra-enfermeronan-trahando-cu-nan#sigProIddd64e88466
https://diario.aw/categories/noticia/general/dvg-a-honra-enfermeronan-trahando-cu-nan#sigProIddd64e88466