ORANJESTAD (AAN): Project Team Drugspanden ta un team cu a wordo lanta pa entre otro investiga bendemento di droga for di un percela.
En conexion cu un investigacion andando Project Team Drugspanden a bay na un cas na Sero Blanco y a detene un dama di inicialnan S.S.V. naci na Venezuela di 23 aña.
Durante e entrada hudicial a confisca un cantidad di marihuana y pildonan di XTC.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey ta pidi si bo tin cualkier informacion yama tiplijn di Polis cu ta: 11141. Ta garantisa cu bo ta keda anonimo.
