Horario di servicio ta solamente mainta - ORANJESTAD (AAN): Servicio Veterinario ta corda tur persona cu kier sacrifica un cabrito, carne of porco pa consumo den temporda di fin di aña, cu mester haci esaki na Abattoir.
Matamento di bestia na cas ta ilegal y por tin su riesgo pa salud di hende. Tur hende cu kier haci uso di servicio di Abattoir pa sacrifica un bestia durante luna di november y december 2021 por haci esaki for di dialuna te cu diahuebs, parti mainta cuminsando for di dialuna 15 di november te cu dialuna 20 di december.
Alavez ta informa cu e proceso di sacrifica animal na Abattoir ta tumando lugar cu cita.
Doño cu ta desea di sacrifica un of mas animal pa come mester percura pa yama di antemano pa confirma cu e kier haci uso di e servicio di Abattoir. Esaki ta pa purba coordina e matansa na un manera mas structura, cumpliendo cu reglanan di hygiena y prevencion di transmision di Coronavirus. Pa haci un cita tuma contacto cu Veterinaire Dienst na telefon of pasa personalmente na Veterinaire Dienst Barcadera 1.
Ta pidi encarecidamente pa trece animalnan na horario di e cita duna. Si no bin na e orario di cita duna mester haci un cita di nobo. Corda bon sin cita ningún persona ta worde atendí.
Tene na cuenta cu e ultimo dia pa mata bestia ta Dialuna 20 di December 2021 cu un capacidad limita; pues no warda te ultimo ora y traha bo cita. Haci esaki di antemano.
Ban coopera hunto pa asina e processo na Abattoir por bay na un manera planifica y tranquilo pa asina nos tur por pasa un bon fin di aña.
