Durante “Frida Fridays” hendenan muher ta topa cu arte pasobra arte ta duna energia

Sheelah van de Poel, di Frida Khalo Experience:

ORANJESTAD (AAN)— Sheelah van de Poel, Empleada di Maggy’s den Caya Grandi, den conferencia di prensa relaciona cu e Luna di Hende Muher, a bisa cu tambe e ta atende cu e galeria Frida Kahlo Op & Experience, situa den Maggy’s mes.

E dama ta defini Frida Kahlo como un hende muher cu hopi energia, y riba Diabierna den “Frida Fridays” nan ta topa cu e grupo di hende muher, cu diferente actividad, pero enfoca den arte.

Van de Poel a expresa cu esaki pasobra creatividad ta duna tambe energia. Y esey ta loke nan kier trece Diabiernanan. Esaki den e marco di Luna di Hende Muher cu ta henter luna di Maart, y no solamente Dia 8 di Maart, cu ta Dia Internacional di Hende Muher.