President di Parlamento Marlon Sneek:
ORANJESTAD (AAN)-- Presidente di Parlamento, señor Marlon Sneek, a agrega den su entrevista cu DIARIO, cu durante e reunion Tripartiet reciente na Curacao, mas cu tur cos nan a discuti riba e tema di “Geschillenregeling”, cu ta un tema cu ta vigente for di aña 2010, caba, pues 17 aña largo.
“Awe mainta mes nos a caba di haci un reunion di Comision Central, na unda Parlamento di Aruba ta duna su sosten unanime, na e producto final cu tin riba mesa awe, pasobra manera ta conoci Parlamento di Aruba a tuma e trekker di loke ta geschillenregeling.”
“Aña pasa nos a entrega esaki na tweede kamer, p’e mand’e pa Raad van Staten. RvS a manda su advies; nos a elabora nos contestacion riba e adviesnan aki, y nos a laga diferente departamento huridico atende cu esakinan tambe, y awe nos por bisa cu nos tin un producto final.”
“Parlamento di Aruba ta e prome cu ta ‘stel vast’ locual cu tin eynan, Unanimamente nos ta para riba e texto final cu tin pa geschillenregeling, aworaki nos ta wardando riba esun di St. Maarten y esun di Corsou, p’asina nos por entrega e notanan para den verslag, p’e haya un fecha pa wordo trata den Tweede Kamer. Esey den linea gandi pa loke ta trata e reunion Tripartiet cu a tuma lugar na Corsou, siman pasa”, President di Parlamento Marlone Sneek a relata.
