ORANJESTAD (AAN): Prome Minister Evelyn Wever-Croes contestando pregunta den sala di parlamento diabierna atardi pa loke ta e tratamento di presupuesto 2021,
el a duna di conoce cu 3800 persona a wordo repatria di cual 2100 a bin for di Colombia y 800 a bin for di Hulanda.
Esaki ta personanan cu mester a wordo repatria cu pa motibo di e pandemia a keda pega na otro pais.
Wever-Croes a laga sa cu e informacion aki ta disponibel pa tur miembro di parlamento. Pa motibo di privacidad no por comparti nombernan, pero si e cantidad menciona, a remarca.
Por corda cu aña pasa, ora cu e cera frontera, un cantidad di residentenan cu tabata den exterior, no por a bin bek Aruba y esaki a pone cu Gobierno mester a interveni a diseña un campaña cu tabata yama regreso aruba.
Pa medio di e campaña aki, hopi residente pega na Colombia, Hulanda y tambe otro paisnan a regresa Aruba despues di varios siman y hasta lunanan.
