Dufy Kock lo asisti na e ceremonia di otorgamento di Zilveren Anjer 2023

ORANJESTAD (AAN)- Sr. Dufy Kock, escritor y historiador,  Diaranson dia 10 di mei ultimo, a ricibi un invitacion for di Sra. Cathelijne Broers,

Directeur di Prins Bernhard Cultuurfonds na Hulanda, pa asisti na e ceremonia di otorgamento di Zilveren Anjer 2023. Esaki lo tuma luga den Palacio na Amsterdam, door di Princes Beatrix for di 11'or pa 12'or di merdia, sigui pa un receptie te cu 1'or di traimerdia.

            Tur aña nan ta invita Laureatnan cu a yega di ricibi e Zilveren Anjer  Sr. Kock sigur a laga un bon impresion cerca e comision di Princes Bernahard Cultuurfonds, cu el a ricibi un invitacion asina lihe. Tin hende ta warda hopi prome cu nan ricibi un invitacion. 

            Sigur e ta un privilegio hopi grandi cu no ta zo maar un hende ta haya y segun Sr. Kock e ta kere cu e ta un bon momento pa e representa nos pais na un ocasion asina importante.

E aña aki Princes Beatrix lo otorga e Zilveren Anjer na:

1. Trudy van Riemsdijk-Zandee y Willem van Riemsdijk.
2. Wesley Sekewael
3. Eef Arnolds

            Sr. Kock lo ta biahando hunto cu esposa Ija dia 3 di juni y regresa dia 17 di juni.

            Dia 6 di juni awo, ta net un aña pasa cu Sr. Kock y esposa a biaha pa bay den e Palacio Amsterdam, dia 9 di juni, pa ricibi su Zilveren Anjer for di man di Princes Beatrix y sigur ta un bunita recuerdo di e ceremonia y di Hulanda.