ORANJESTAD (AAN) — Aaron Perez ta un di e hobennan cu a drenta den e Trayecto di Formacion Social (SVT) den e grupo 19 cu recientemente a caba su prome fase.
Aaron Perez a comenta cu e experiencia aki ta algo nobo p’e, y e trayecto ta exigi hopi disciplina y respet. Durante tres siman, nan a cumpli cu disciplina, por ehemplo, lanta trempan, ta semper na ora, cana nechi bisti. Prome cu drenta SVT e tabata gewoon na cas, haci nada. Su mama a informa su mes di e trayecto, pero ta Aaron mes a motiva su mes pa drenta y e ta mira un cambio hopi grandi, compara cu ne, prome, y su intencion ta pa sigui bay dilanti.
E ta mira e parti militar un tiki duro, pero e kier sigui esaki. E ta contento di a caba e prome fase y awor cumpli cu e periodo di stage, y ora e caba e ta dicidi si sigui scol bek pa caba esaki of busca un trabao. El a expresa cu drenta SVT ta e miho cos cu e por haci den bida.
