Dr. Ryan Peterson cu presentacion unico na St. Paulus School

ORANJESTAD (AAN): Recientemente, dos klas di St. Paulus School na San Nicolas, a ricibi bishita di Dr. Ryan Peterson di National Climate Resilience Council.

   Dr. Peterson a duna un presentacion na e muchanan di Klas 5 y 6 tocante cambio climatico, e impacto riba Aruba, y di ki manera pueblo conhuntamente lo por fortalece e resiliencia climatico na Aruba.

   Tambe a nota cu Dr. Peterson tabata sigui e informe cu e scol tin nan Hardin di Fruta y Berdura, y e tabata kier a sa con ta bayendo cu e hofi.

   Algo interesante ta cu Dr. Ryan Peterson ta ex-alumno di St. Paulus School tambe, esta di 1979-1985.