Inmigracion ta corda publico local...
ORANJESTAD (AAN): Inmigracion Aruba kier informa cu pa esnan cu ta biaha cu un menor di edad, por pasa caba cu e formulario "Toestemming Reizen Met een Minderjarig Kind" of "Permiso Pa biaha cu un Menor di edad" y e rekisitonan na Departamento di Inmigracion, na J.G. Emanstraat 39.
Mirando cu nos ta drenta un temporada di biahe hopi druk, por pasa caba pa procesa e documentonan.
Di otro banda, Inmigracion Aruba ta informa cu no ta necesario presenta e akte di Nacimiento di e menor, pero, si ta aplicabel, e registro di gezag.
Horarionan di atencion lo ta di Dialuna pa Diabierna, for di 8:00 am te cu 11:30 am, y di 1:30 pm te cu 4:00 pm. Pero tuma nota cu riba Diaranson, Departamento di Inmigracion ta habri solamente mainta, di 8:00 am te 12:00 pm.
Por download y yena e formulario y pasa na Oficina di Inmigracion na J.G. Emanstraat 39 cu tur e documentonan rekeri. Download e formulario na e website aki:
Tuma bon nota di e fechanan y orario di atencion, y corda cu nan lo ta cera durante dia di fiesta. Oficina di Inmigracion Aruba na J.G. Emanstraat 39 lo ta cera pa publico for di 24 December 2026 y lo habri bek Dialuna 4 Januari 2027.
