DOW ta preparando pa Eleccion 2024

ORANJESTAD (AAN):  Departamento di Obra a Publico a cuminsa cu e trabou nan di preparacion pa loke ta trata eleccion 2024.

            DOW su tarea principal den eleccion ta pa zorg pa tur urna ta den bon estado, si mester un drecha luz, verf of pone un rampa pa e personanan cu algun discapacidad pa asina tur urna ta accesibel pa tur hende.

            Haci trabounan di inrichting di tur urna, esaki ta encera arma e stemhokken, pone e stembussen, pone lessenaar y stoel pa e voorzitternan, pone heki paden di e urnanan pa guia e personanan bay na e voorzitter.

            Tambe pone baricadanan pafo pa guia tur e personanan y na final pone borchi di indicacion unda e urna ta situa.

            Pa cu esaki DOW tin su coördinator y teamleiders cu a cuminsa cu e trabou nan preparatorio manera cu e draaiboek ta stipula. 

Fuente: Facebook DOW