ORANJESTAD (AAN): Departamento di Obra Publico (DOW) ta informa pueblo di Aruba en general riba cambionan den e controlnan di construccion.
Manera ta conoci, e controlnan cu mester tuma lugar di parti DOW ta 1. Marcacion, 2. Fundeshi, 3. Ringbalk, y otro construccionnan di mas piso.
Cu e controlnan aki DOW mester controla e hero pa duna e aprobacion pa por basha concret.
DOW kier avisa cu desde 12 di November 2021 no ta aproba hero di concret pega pa medio di welder manera ta skirbi den e permiso di construccion “cu excepcion di companianan autoriza pa DOW”.
Den e caso aki e compania lo mester suministra un formulario na DOW cu ta indica cu doño di e permiso hunto cu e compania ta bay di acuerdo pa uza hero pega pa medio di welder.
Otro heronan solamente mara no ta necesario pa suministra e formulario aki y por haci e peticion directamente na DOW pa por haci e control pa haya aprobacion pa basha concret.
Pa cualkier informacion di construccion por acudi semper na balie di DOW Toezicht.
Semper por subi nan wesbite www.dow.aw y asina mira tur e rekisitonan cu mester entrega ora di haci un peticion pa permiso di construccion.
Potret: Facebook Page DOW
