Peticion pa permiso di construccion
ORANJESTAD (AAN): E siman aki, DOW a emiti un anuncio importante pa cu e procedimento ora di haci un peticion pa un permiso di construccion. Y aki ta enfatisa riba e palabra “aplicante”.
Ken ta e aplicante: E doño di e tereno semper ta e aplicante oficial y ta keda responsabel. Aunke si un architect of un tercera persona ta autorisa pa actua den su nomber.
Tur notificacion oficial, informacion adicional of avisonan tocante cambio di e permiso, lo wordo manda directamente na e aplicante via un e-mail of por escrito. E persona autorisa (por ehempel architect) lo ricibi un copia (cc).
Importante: Mester yena e datosnan di contacto (telefon y e-mail) corecto y completo. Si datosnan keda falta of no ta corecto, ta core e riesgo pa no haya e informacion na tempo tocante bo peticion.
Ora bo ricibi un e-mail of por escrito cu bo permiso ta cla, no por haci cambio mas. Si bo persona toch kier haci un cambio, mester haci un peticion di nobo, e peticion bieuw ta wordo anula.
Permiso: Un permiso otorga mester wordo busca dentro di 180 dia: si no, e ta bira invalido pa ley. Ademas DOW a splica cu dentro di poco nan lo cuminsa publica e permisonan otorga riba e website oficial, pa tur persona por controla e progreso di nan peticion.
