*720 permiso a keda duna y 382 a keda rechasa
ORANJESTAD (AAN): Departamento di Supervision y Huridico ta desea di informa comunidad di Aruba cuanto permiso di construccion a ser pidi y cuanto permiso di construccion a ser duna na aña 2024.
Akinan un bista di cuanto peticion pa permiso di construccion e departamento a ricibi entre 3 di januari 2024 te cu 30 december 2024.
- Permiso di construccion cu a ser pidi: 991
- Permiso di construccion cu a ser duna: 720
- Permiso di construccion cu a ser rechasa: 382
- Permiso di construccion cu a ser busca: 715.
Bo persona a caba di ricibi un tereno? Pa haci un peticion pa un permiso di construccion mester trece e siguiente documentonan na DOW.
Pa vivienda:
- Mapa di cas (bestektekening), 2x copia
- Mapa di plan di ubicacion (situatie tekening), 2x copia
- Mapa di hero y nan calculacion (constructie tekening en berekening), 2x copia
- Acto di notario of un Decreto Ministerial, 1x copia
- Un medio di identificacion, 1x copia
- Yena un formulario di DOW
- Paga Afl. 200,-
Pa un edificio commercial:
- Mapa di edificio commercial (bestektekening), 4x copia
- Mapa di plan di ubicacion (situatie tekening), 4x copia
- Mapa di hero y nan calculacion (constructie tekening en berekenen), 2x copia
- Acto di notario of un Decreto Ministerial, 1x copia
- Un medio di identificacion, 1x copia
- Yena un formulario di DOW
- Formulario di DTI yena
- Paga Afl. 200,-
Tene cuenta cu ora di entrega e peticion, mester paga e suma di Afl. 200,-. Ora haya e permiso mester paga e diferencia ora di busca.
