Dos representante di Aruba ta competi den Mini World 2026

ORANJESTAD (AAN): Actualmente ta tumando lugar na Punta Cana, Republica Dominicana e certamen edicion 11 di Mini World 2026.

   Aruba ta dignamente representa pa dos reina di Cas Princesa Aruba cu ta Baby World Aruba, Zahvia Croes y e candidata pa Pre-teen World Aruba, Thaheeli Geerman.

   E final ta tuma lugar e fin di siman aki den e ballroom di Nick Resort, Punta Cana. Algun otro pais compitiendo e aña aki ta Brazil, Venezuela, Colombia, Republica Dominicana. Cada un cu nan representante den nan categoria.

   Na e organizacion Cas Princesa Aruba, tur familiar, cada guia y amigo cu ta presente na Punta Cana, sea sigur cu boso presencia ta di gran balor y sosten pa nos reinanan. Hopi exito pa Aruba su representantenan  y sea sigur cu Aruba ta orguyoso di boso.