Evento aki ta dia 30 di April.
ORANJESTAD (AAN): E hobennan Kevin Valderrama y Jose Luis Melo Ruiz ta studiante di e Faculta di Hospitalidad y Turismo di Universidad di Aruba y nan ta organisa un evento riba Diadomingo 30 di April pa yuda Fundacion Autismo, den cuadro di ciere di luna di Autismo.
Kevin a laga sa cu ta trata di un fundraising pa e fundacion pa medio di 'team building games' mas tanto pa empresanan, pero tambe pa famia y amigonan.
Varios empresa caba a registra pa participa, a bisa como tambe amigonan y familianan.
E evento aki lo conta cu eventonan bibo, cuminda, bebida, entretenimento y diferente premio.
E proyecto aki ta parti di un curso cu ta encera tur loke ta eventonan y den e caso aki a scoge Fundacion Autismo pa crea mas concientisacion den comunidad.
E evento, cu yama 'Relay for Inclusion' lo tuma lugar na Bushiri Beach di 8 am - 2 pm.
