Dos empleado di Arubus ta bay disfruta di nan pensioen

ORANJESTAD (AAN): Na Oficina di Arubus, tabatin un celebracion hunto cu empleadonan,

como cu tabata momento pa despedi di 2 trahador, kendenan ta bay disfruta merecidamente di nan pensioen.

   Aki ta trata di Harold Tromp, kende a labora como Chauffeur na Arubus pa 38.5 aña, dunando clientela e bon servicio tur día.   Su ultimo posición cu el a eherce tabata como Dienstleider.

   Mescos Ivo Daal kende a labora pa 12 aña tambe como chauffeur.

   Despues di algun palabra di nan hefe Albert Canhigh, tambe e HR Manager.  Naidiah Dewindt y tambe e Director Edwin Mohamed, tur presente por a disfruta di un celebración na oficina principal na Sabana Blanco.

   Staf y personal kier a felicita Daal y  Tromp y alavez desea nan hopi exito den futuro y principalmente pa nan por disfruta di un pensioen bon mereci, den compania di nan famia.