Dos candidata di Aruba lo sali pa Punta Cana y uni cu certamen Nuestra Belleza International

ORANJESTAD (AAN): Diadomingo awor riba e buelo di SKYhigh Dominicana Aruba su representantenan pa Nuestra Belleza International lo

sali hunto cu famianan pa asina competi den e di 6 edicion di Nuestra Belleza International cu lo tuma lugar di 19 pa 25 di October na Punta Cana Republica Dominicana.

   Aruba lo tin 2 representante den e competencia international aki unda lo tin mas di 55 participante den varios categoria, manera Little, Pre Teen, Teen, Miss , Petite, Señora y Mister.

   Pa loke ta e representante di Little Aruba cu ta Elise Heronimo di 11 aña di edad. Mester bisa cu Elise tin un amplio experiencia den concursonan di beyeza mirando cu ya cada el a competi den varios certamen tanto local como international. Elise ta un mucha mas spierto mes y hopi talentoso cu ta gusta modela, canta, balia y hunga schaak y ademas e ta un actriz tambe.  Elise ta masha entusiasma pa por competi na Punta Cana y representa nos dushi hendenan.

   Pa loke ta representante Teen, ta Tara van der Werk kende ta e actual Miss Teen Aruba International 2025, y ta un hoben cu un passion grandi pa nos aminalnan y ta voluntario na un veterinario y ta papia na bienestar di un bon cuido y bo mascota, ademas Tara ta un hoben cu ta studia bon y kier motiva tu hoben pa conoce nan poder y traha pa semper ta e mihor version di bo mes.

   Tanto Elise y Tara a traha hopi duro durante e ultimo lunanan riba nan pasarela, self expresion, cultura general, riba e parti di entrevista cu hurado, talento y mas.

   Sigur GLW Foundation ta sumamente orguyoso di Aruba su representantenan pa Nuestra Belleza International.  Keda pendiente paso nos lo trece mas informacion di nos candidatanan na Punta Cana.